Metið fyrra nám

Hægt er að fá námskeið á háskólastigi metið inn í Viðskiptafræðideild t.d. frá öðrum deildum Háskólans, Endurmenntun Háskóla Íslands eða öðrum háskólum.

Umsókn um mat á námi þarf að afhenda verkefnisstjóra VMV námsins ásamt fylgigögnum.

Með umsókn um mat á námskeiðum fylgi eftirfarandi gögn

  • Heiti námskeiðs
  • Námskeiðslýsing
  • Kennsluáætlun
  • Námsmat
  • Bókalisti
  • Staðfest einkunn

Til að mat komi til álita þurfa að jafnaði eftirfarandi skilyrði að vera uppfyllt

  • Einkunn er 6,0 eða hærri.
  • Einstaklingsmat er a.m.k 30% af námsmati.
  • Umsjónarkennari námskeiðs hefur verið metinn hæfur sem háskólakennari eða námskeið er á ábyrgð háskóladeildar.

Grunnnám

Grunnnámsnefnd metur fyrra nám nemanda í hverju tilviki fyrir sig. Almenna reglan er sú að nemandi fær metnar þær greinar sem nefndin telur að séu sambærilegar og að öðru jöfnu þarf nemandi að ljúka hefðbundnum viðskiptafræðigreinum ásamt sérgreinum viðkomandi fræðasviðs.

Til að ljúka BA eða BS prófi frá deildinni þarf nemandi að ljúka minnst 60 einingum í deildinni, óháð því hve mikið viðkomandi fær metið annars staðar frá. Einkunn þarf að vera 6,0 eða hærri í þeim námskeiðum sem metin eru.

Nánari upplýsingar um það nám og námskeið sem metin eru frá öðrum deildum háskólans og öðrum háskólum má nálgast hér.

Þú ert að nota: brimir.rhi.hi.is