Taktu framtíðarskref í VMV-námi

Þriðjudaginn 17. nóvember næstkomandi verður haldinn kynningarfundur á VMV-nám í stofu 102 í Gimli, Háskóla Íslands, frá kl 17:00-18:00.

Viðskiptafræðideild Háskóla Íslands býður upp á fjölbreytt námsframboð í viðskiptafræði með vinnu (VMV). Námið er sérstaklega sniðið að þörfum þeirra sem vilja leggja stund á háskólanám samhliða starfi.
 
Boðið er upp á fjölda stakra námskeiða en einnig eru í boði þrjár stuttar 36 ECTS eininga diplómalínur:
Stjórnun markaðsmála
Stjórnun og stefnumótun
Reikningshald og fjármál
 
Kennt er í lotum og er því hvert námskeið kennt í fimm vikur og lýkur því með prófi og/eða verkefni. 
 
Fyrir hverja er VMV?
Fyrir þá sem vilja taka stök námskeið í viðskiptafræði sér til endurmenntunar
Fólk á atvinnumarkaði sem vill sérhæfa sig á ákveðnu sviðið viðskiptafræðinnar (stuttar námsbrautir)
Fólk á vinnumarkaði sem vill ljúka BS gráðu eða 60/120 eininga diplóma frá Viðskiptafræðideild
Nemendur sem vantar grunn fyrir framhaldsnám í viðskiptafræði
Nemendur í reglubundnu námi í viðskiptafræði sem vilja flýta námi
 
Inntökuskilyrði í VMV-nám er stúdentspróf en hægt er að sækja um inngöngu samkvæmt undanþágureglum skólans .
Hvert námskeið kostar 70.000 kr en auk þess þarf að greiða skrásetningargjald til Háskóla Íslands sem er 75.000 kr (55.000 kr fyrir vorönn) fyrir skólaárið 2015-16. 
 
Skráning með því að senda póst á lena@hi.is fyrir 16. nóvember.
 
Þú ert að nota: brimir.rhi.hi.is